Kapiteni i Kosovës, Amir Rrahmani, ishte i pranishëm mbrëmë në Gala-n e futbollit italian, pasi u përfshi në Formacionin e Vitit.

Ky vlerësim vie pas paraqitjeve të tij mbresëlënëse sezonin e kaluar, ku u shpall kampion i Italisë si një nga protagonistët kryesorë të Napolit.

Formacioni i Vitit përfshiu disa prej emrave më të rëndësishëm të Serie A, ndër ta Scott McTominay, Lautaro Martinez dhe Tijjani Reijnders.

Pas këtij suksesi reagoi edhe Federata e Futbollit të Kosovës, ku vlerësoi paraqitjet e kapitenit dardan.

“Kapiteni i Kosovës dhe muri i mbrojtjes dardane shpallet “Mbrojtësi i Vitit 2025” në Serie A!”

“Si kurorëzim i një sezoni fantastik, ai është përfshirë edhe në formacionin më të mirë të kampionatit.”

“Pas një sezoni të jashtëzakonshëm me Napolin kampion, lidershipi, qetësia dhe dominimi i tij në prapavijë e udhëhoqën skuadrën drejt majës së futbollit italian.”

“Krenari pa kufij për Amirin!”, ka shkruar FFK në faqen zyrtare në Facebook./Arbresh.info